Naachahltigkeit bäi Planzer: öise Plaan Pe für Umwält und Mänsche

Für öis as Familiän-Akziägsellschaft gilt: langfrischtigs Handle statt churzfrischtigi Gwünnmaximiärig. Öise Chunde büütemer rössursseschoonendi Logischtikdienschtläischtige. Mir sind beschtrebt, dass öisi Mitarbäitende guet uusbildet sind und e gsundi Wörk-Läif-Bälänss halted. Usserdem förderemer d’Wertschöpfig vo dene Regioone und gsellschaftliche Theeme, womer sälber aktiv sind.

Läischtige, wo öis allne guettüend

Schwerpunkt Baan

Zum öise Uusschtooss vo Abgaas und Schaadstoff im Schtraassetransport minimiäre, setzemer für de Transport vo Irne Sändige verschideni Vercheersträäger ii und nutzed d’Erkänntnis us Forschig und Entwicklig. Hütt transportiäremer bereits 60% vo öisem Transportvoluume über öisi 13 Baanzäntre uf de CO₂-arme Schine. Das sind jedes Jaar 11 Mio. suuberi Baankilomeeter. Im 2018i hämer 42804 Laschtwagefaarte oder 7406 Tone CO₂-Emissioone chönne vermiide.

Ii-Flotte

Für d’Fiinvertäilig i Stedt und Agglomerazioone setzemer voorzugswiis öise Ii-LWK ii. Diä Technologii isch 100% emissioonsfrei, liislig und schont d’Umwält sowie d’Gsellschaft. Allerdings sind d’Aaschaffigschöschte no enorm hööch und d’Riichwiiti bi volle Batterie beschränkt. Drum hämer in wiiteri emissioonsarmi Faarzüüg inveschtiärt: Ii-Autos, Cargo-Ii-Bikes und z Zermatt i zwäi Rossgutsche.

Verhalte

Öisi Faarerine und Faarer durlaufed in öisem Uusbildigszäntrum Schuelige für umwältoptimiärts Länke und en ökoloogische Umgang mit em Faarzüüg. Öisi Dischponäntine und Dischponänte bildemer für di emissionsarmi Ruuteplaanig uus. Dezue ghöört s’Vermiide vo tüüre CO₂-Läärfaarte. Öisi Laagerlogischtikmitarbäitende schuelemer geziilt und regelmäässig uf Präzisioon und Kwalitäät.

Verhaltenskodex für Lieferante

Als Familienunternämä dänked und handled mir in Generatione. Für öis heisst Nachhaltigkeit, dass mir wirtschaftlich effizient, sozial fair und ökologisch tragfähig underwägs sind. Die Wärt präged nid nume öis eige Handlää, sondern au d Zämearbet mit öise Gschäftspartner.

Öise Verhaltenskodex für Lieferante definiert klari Erwartige an e verantwortigsvolle, ethische und gesetzeskonformii Gschäftstätigkeit. Zäme mit öise Lieferante wänd mir e fairi, nachhaltigi und ressourcenschonendi Lieferketti sicherstelle – für hüt und für d Generatione vo morn.

lies da de Kodex

Optimiärte Fuerpark

Aktuell erfülled rund 90% vo öise äigne Faarzüüg d’Euro-6-Abgaasnorme. Dä Aatäil möchtemer in abseebarer Zuekunft uf 100% entwickle. Bi öise Vertragsfaarer liit de Wert bi über 50%.

Ko-Pilotprojekt «Planzer – Dynamic Micro-Hub w LOXO»

Am 19. September 2024 startete in Bern das zukunftsweisende Pilotprojekt «Planzer – Dynamic Micro-Hub w LOXO», das wir mit dem Schweizer Tech-Startup LOXO ins Leben gerufen haben. Unser gemeinsames Ziel: die City-Logistik in Schweizer Städten effizienter, nachhaltiger und zukunftssicher gestalten.

Biitrag läse

loxo.planzer-paket.ch

Als Familiäundernäme isch Naachhaltigkeit für ois wiit meh als es Lippebekänntnis. Mitere uf die langi Sicht usgleiti Strategii simmer sit Generazione für die nächsti unterwägs. Zum die Gsamtheit vo oisne Naachhaltigkeitsaktivitäte zämezfasse und einzelni Theme gezielt z’vertüüfe, hämmer s’Konzept «Plan P» is Läbe gruefe.

Uf plan-p.swiss mached mer oisi Initiative und Dänkasätz für e nachhaltigi Logistik und e läbenswerti Umwält allne Interessierte zuegänglich.

Unser Nachhaltigkeitsbericht 2023 ist online!

Biitrag läse

Energieeffizienz von Gebäuden: Power für die Umwelt

Biitrag läse

Wie geschmiert: Valorentransporte mit Pflanzenöl

Biitrag läse

Öise Naachhaltigkäitsbricht

Mir erhebet jäärlich öisi CO₂-Emissioonswert nach em Tänk-tu-Wiil-Aasatz (ttw) und publiziäreds i öisem Naachhaltigkäitsbricht. Debi wiisemer öisi Umwältläischtig für de nazionaali Schtraasse- und Baanvercheer und für di gsamti Gruppe uus. Mer chönd dä CO₂-e-Emissioonsverbruuch sogar pro Chund uuswerte und verfüegbar mache.

Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.

Waartig

Zum technischi Probleem mit Uuswürkige uf Emissioone früeziitig erchäne, underziämer sämtlichi Nutzfaarzüüg in öise huuseigne Werchschtett regelmäässige Waartige.

Laagerlogischtik

Im 2019i hämer i de Laagerlogischtik en CO₂-Uusstoss vo 8 Gramm pro verarbäitets Kilo Waare uusgwise. Das entschpricht enere hööchscht erfreuliche Redukzioon vo 16.9% CO₂ pro verarbäitets Kilo gägenüber em Vorjaar. D’Läischtigsfääigkäit vo öisere Wertschöpfig i de Lagerlogischtik mässemer mit Termiinkwoote, Laagerrüschtfääler und On-Täim-In-Full (OTIF) aa. Je geziilter und demit rössursseschoonender mer d’Laageruufträäg bewirtschafted, deschto höcher ligged öisi OTIF-Wert. Mit andere Wort: Dank Präzisioon und Kwalitäät i de Laagerlogischtik reduziäremer öisi CO₂-Äkwivalenz.

Immobiliä

Mir betriibed sälber en umfassänds FassilitiMänätschment für sämtlichi Firmenimmobilie und warteds entsprächend präwentiiv. Siit 2014 erhebed und analisiäremer de Energieverbruuch vo öise sogenannte GrossverbruucherStandort mit über 500 MWh Stromverbruuch pro Jaar. Für diä Immobilie hämer mit de Standortkantön und em Bund e Ziilveriibaarig abgschlosse; dere werdemer mit widercheerende und regelmäässige Massnaame grächt. Bi de Energiibilanz vo öisne Gebäude strebemer wo immer mögli Netto-Null aa.

Gsundhäit

Ä gsunds Arbetskliima und fääri Arbetsbedingige sind öis wichtig. Mir unterhalted en grosszügigi Sozialversicherigsregelig. Öisi Mitarbäitende profitiäred äno vo attraktiive Sonderkondizioone bi de Chranke- und Unfallversicherig.

Zfriedehäit und Motivazioon

Mir tuusched öis ständig mit öise Mitarbäitende uus. So stärkemer d’Entwicklig und d’Innovazioonschraft vo öisem Undernäme. Wo immer mögli bindemer si i öisi Entscheidige ii, öppe bi de Gschtaltig vo de Arbetsplätz oder Arbetsziitmodäll.

Uus- und Wiiterbildig

Kwalifiziärti Mitarbäitendi sind öises wichtigschte Kapitaal. Drum unterhaltemer zwäi firmenäigni Uusbildigszäntre mit Faarschuel und Leerwerchschtatt. Faarleerer und Inschtruktoore rekrutiäremer vor alem us de äigete Räie. Die erschte föif Arbetstääg füeremer nöii Faarerine und Faarer in öise Uusbildigszäntre i d‘Planzer-Wält ii.

Nachwuchsförderig

Im 2019i sind über 350 Uuszbildendi bi öis gsii. Das sind 8,9% vom gruppewiite Schtelepänsum. Mir wänd mindischtens zwäi Drittel vo de Lernende nach der Leer wiiterbeschäftige. Öise Durchschnitt liit bi rund 60%.

Sozials Angaschman

Mer sind lokaal verankeret und wiit über d’Landesgränze uus unterwäx. Drum angaschiäremer öis au für d’Gsellschaft. Mer unterstützed diversi Organisazioone finanziell und mit Sachläischtige. Bsunders wichtig sind öis Theeme wie Mobilitäät, Sicherhäit und Naachhaltigkäit.