D’Räife ghööred zum Faarzüüg wie dä Schruubeschlüssel zum Garaschischt. I öisem Räifeserviss ersetzed oder repariäred mer ali mangelhafte Räife, prüefed d’Aazuugsmomänt vo de Raadschruube, riled d’Profiil naa, wäsched d’Reder, beräitet d’Felge uuf und nämed wiiteri nützlichi Handgriff rund um d’Räife voor. Denn: Ooni Grip(s) hilft käis Assischtänzsischteem.

Uf öise topmoderne Laggiäraalaage erlediged mer ali Laggiäraarbete und soorged für en aagmässne Mitarbäiterschutz. Au im Beräich «ziitwertgrächti Reparatuure» wie Schpot Ripäär käned sich öisi Laggiärprofis beschtens uus.

I öisere erschtklassige Karosseriiwerchstatt entferned mer chliini Büüle, nämed Komplettuufboute und Reschtaurazioone voor und wickled vo A bis Z sämtlichi Unfallformalitääte mit de Versicherig ab. Für en optimaals Resultaat schaffemer äng mit öisne Laggiärer und Schpängler zäme.

Im Dienschtläischtigssektor isch nöd nume de Fiil uusschlaaggäbend, sondern au de Luk. Drum wäschemer regelmäässig sämtlichi Faarzüüg, nämed d’Ine- und Usseräinigung voor und poliäred ales uf Hoochglanz.

Da entwärfemer Fooliebeschriftige, drucked d’Foolie, schniideds zue und appliziäreds fachgerächt uf d’Faarzüüg.

Mit uusbildete Mitarbäitende und professionelle Abschlepp- und Assischtänz-Faarzüüg simer rund um d’Uur a 365 Tääg im Jaar, nazionaal und internazionaal, für Persoone- und Nutzfaarzüüg vo de Planzer-Gruppe daa.

Mer unterhalted i de ganze Schwiiz a vercheersgünschtig glägne Standort modernschti Tankschtelle und Wäschaalaage, wo für ali Nutzfaarzüüg gäignet und mit em choschteloose Planzer-Bädsch für ali zuegänglich sind. A öisne Servissschtazioone chönd Si usserdem de Räifedruck kontroliäre und suugschtarchi Schtaubsuuger für d’Ineräinigung benütze. E regelmäässigi Räinigung träit nämli vil zu de Werterhaltig vo Irem Faarzüüg bii.

Flyer – Waschen, Pflegen, Tanken

Öises FlotteMänätschment umfasst villfeltigi Servissis rund um d’Motoorfaarzüügflotte vo de Planzer-Gruppe und vo andere Undernäme, wo uf öisi Kompetänz zeled. Dezue ghöred:

• Määrtforschig, Evaluazioon
• Iichauf/Verchauf vo Faarzüüg
• Interni Faarzüügdischponiärig für di optimaal Rössursseplaanig/li>
• ProduktMänätschment und -verwaltig
• CI-Richtliniä umsetze
• Beschriftigskonzept erschtele, BlaacheMänätschment
• VertragsverfaareMänätschment
• FlotteMänätschmentsoftwäär

Im Raame vo öisne Telemaatikdienschtläischtige rüschtemer öisi Faarzüüg mit On-Bord-Iunits (OBUs), Gräät zur Telemaatikübermittlig und anderi Komunikazioonstuuls uus. Mit Hilf vo dene Tuuls chömer Imformazioone dänn und deet güne, womer si bruuched: in Ächtziit bi de Arbet.

D’Kräcks vo öisere Technik händ uf fascht jedi faarzüügtechnischi Fraag e praktischi Antwort. Mit öisne Chundezäntre schtönd Ine öisi Mitarbäitände vo Planzer tatchreftig zur Siite, vernetzed Si mit de zueschtändige Experte und koordiniäred ali, wo i Iri Aaligge involviärt sind. Nämed Si für das am beschte Kontakt mit öis uuf.

Wer sich für technischi Brüef interessiärt, isch bi öis gnau richtig. Mir bildet gruppewiit jedes Jaar meereri hundert Leerling uus, devoo ein schtattliche Aatäil zu Automobilfachlüüt, Laggiärer, Schpängler und Detäilshandelsfachpersoone. Mee über öises Leerschtelenaagebot erfared Si diräkt uf öisere Leerschtele-Siite.