Öises Kwalitäätsmänätschmentsischteem funktioniärt inere Maatrixschtruktuur: Fachverantwortlichi uf de äinte Siite schaffed mit Cherntiim von äinzelne Gruppenundernäme zäme. I regelmässige Träffe werded d’Vergangehäit und d’Zuekumft analüsiärt und KPIs uusgwertet. Das stärkt s‘Nou-hau, d’Verantwortig und d’Identifikazioon mit em Kontrollinschtrumänt. PQM isch schträng organisiärt und fascht papiirlos gfüert. Mir füered regelmäässigi Sälbschtinspekzioone und interni Schuelige dure. PQM isch vo diverse Prüfeschtelä validiärt und konsequänt dokumäntiärt. Mir durlaufed gruppewiit 50 bis 70 externi Audits pro Jaar.

Wer wie mir täglich mit de Logischtik vo Läbesmittel z‘tue hät, chunnt nöd um d’Gfaarenanalüüse und kritischi Kontrollpünkt ume. Öisi Laager sind nach HACCP-Richtlinie uusgläit. Für jede nöi Chund nämemer e Risikoanalüüse gmääss HACCP-Konzept voor und füered zwäimal jäärlich än HACCP-Rundgang dure. Usserdem werded d’HACCP- reschpektiiv di GDP-relevante Sischteem wie s’Tämparatuur-Monitooring und d’Pest-Kontrool i regelmäässige Abständ überprüeft und wänn nöötig kalibriärt.

No bevor e Faarerin oder en Faarer zum erschte Mal miteme Planzer-Faarzüüg uusrollt, verbringt si oder er föif Tääg i öisere Uusbildigsstätte z Dällike oder Penthalaz. Deet vermittled mer öisem Faarpersonaal, was mer under Transportkwalitäät verschtönd und wele Kwalitäätsmaassschtab mer für Läischtige aasetzed.

D’GDP-Leitlinie (Guidelines of Good Distribution Practice of Medical Products for Human Use) gälted nume für Arznäimittel. Si schteled schträngi Uuflage a d’Tämperatuurüberwachig, wo übrigens au für de Päckliversand gältet. Gforderet wird au e luggeloosi Tämperatuurkontrole mit Tämperatuuruufzäichnig vo de Abholig bis zur Uusliferig. Öisi Dienschtläischtige sind durchgängig GDP-konform. Daas dank äxtra dadefür uusgrüschtete Faarzüüg und spezielle Tämperatuurzoone im Waarenumschlag. Gnauso gits e separaati Veroornig für Tierarznäimittel. Für d’Mediziinprodukt gits e Mediziinproduktveroornig, wo sich a internazionaals Rächt aaläänt.

Wo’s immer für Iri Waar e Swissmedic-Bewiligung bruucht, holemer diä ii. Dademit verbunde sind regelmäässigi Überprüefige und e detäignaui Brichterstattig.