Ösies Undernäme isch so guet wie d’Mänsche, wo bi öis schaffed. Drum simer immer a topp uusbildete, motiviärte und lernfröidige Mitarbäiterinne und Mitarbäiter intressiärt. Im In- und Ussland beschäftiged mir über 6'530 Persoone us 82 Nazioone, devoo über 400 Lernendi i 15 verschidene Brüef. Wänn Si also e Kariääre i de Logischtik aaschtrebed, sötted Si unbedingt mit öis rede. Si lerned erfaareni Tiimkoleeginne und -koleege käne. Und mängisch tolli Persöönlichkäite wie de Tom Lüthi, Göla & Trauffer oder de Curdin Orlik.

Grunduusbildig

Als Familiän­undernäme isch öise Horizont uf Genera­zioone uusgläit. Drum dänked und handled mir vo Natuur us naach­haltig. Und drum isch en Bruef nüd nur en Bruef, sondern e Beruefig. Immerhin wird di jungi Genera­zioon irgendwänn d’Arbetswält vo morn mitgschtalte. Aktuell hämer e Leerscht­elekwoote vo 8,91% vom gruppe­wiite Stelepänsum. Öises Ziil: 10%.

Leere i 15 Brüef

Mir büüted gruppewiit rund 15 Grunduusbildige aa, voorwiägend handwerklichi. Immerhiin schaffed bi öis über d’Helfti vo de Mitarbäitene i handwerkliche Brüef, zum Bischpiil als Straassetransportfachmaa/-frau, Logischtiker/-in oder Automobiil-Mechatroniker/-in.

Offänä Leerstelä

Tschöpps

Planzer schtaat nüd nur für drüü Generazioone Logischtik­profis, sondern vor alem für Mänsche, wo gern schaffed, immer mit em Blick für Chunde­wünsch und em Fläär fürs Tiim. Wänn au Sii diä Äigeschafte händ, dänn sötted Si i öisi aktuelle Stelen­aagebot ineklicke.

Tschöpps

E Leer als Logischtiker/-in

Leerlingslaager

Äimal pro Jaar verbringed ali Lernende vom erschte Leerjaar föif Tääg im Laager. Mit ali meinemer ALI: alli Spraache, alli Brüef. A drüü Tääg füeremer gmeinnützigi Arbete uus wie Holze oder Alp süübere. A äim Taag isch Fann puur aagsäit. Im Leerlingslaager träged alli di voll Verantwortig für en ordentlichs, geslligs und fridlichs Zämesii. Was im Planzer-Leerlingslaager 2019 abgange isch, erfaared Si da:

Leerlingslaager 2022

Uus- und Wiiterbildig

Wer mit de Ziit will gaa, mues es Läbe lang lerne. Drum füeremer zwäi Planzer-äigni Uusbildigszäntre, äis i de Düütschschwiiz und äis i de Romandii. Da finded sämtlichi Uus-/Wiiterbildige für Mitarbäitendi us allne Gschäftsberiich und Dienschtläischtige statt. Mir beschäftiged äigni Inschtruktoore mit pädagogischem Hindergrund. E paar wenigi Uusbildige – nämlich d’Staapler- und ADR-Prüefige – legemer i externi Händ. Dademit understützemer öisi Branscheverbänd, womer sälbverständlich dezueghööred.

Zentraali Iifüerig Faarpersonaal (ZEFP)

Bevoor e nöii Faarerin oder en nöie Faarer bi öis as Schtüür hockt, absolviärt sii oder er e föiftägigi Vertüüfig i de huusäigne Uusbildigszäntre. Am Schluss vo dere Uusbildig leged di Täilnämende en Abschlussprüefig mit knapp 70 Fraage ab und werded zuesätzlich auf die folgende Theeme prüeft:

  • Praxisfaart mit em Faarleerer
  • Verhalte bi Chunde
  • Arbetssicherhäit
  • Verhalte bi Umfäll und Umfallprotokoll
  • Umgang mit de On Boord Junit
  • Aaprobiäre vo de Arbetschläider
  • Allgemäini Imformazioone zu de Planzer-Gruppe
  • Faarzüügkänntnis und -uusrüschtig

Füerigsentwicklig

D’Ziit dräät sich immer schnäller und mir müend au bim Theema Füerig agiil bliibe. Under Füerigsentwicklig verschtömer Personaalentwicklig mit em Ziil, gmeinsam wiiterzchoo. D’Kürs vo öisere Füerigsentwicklig bsueched nüd nur d’Scheffe, sondern au d’Dischponänte. Schliesslich füered diä ösi Faarerine und Faarer.

Planzer-Faarschuel

Öisi Faarleerchreft beräited d’Faarerine und Faarer optimaal uf de Alltaag uf Achse voor. Sie vertüüfed Schlüsseltheeme wiä umwältgerächts Faare oder Sicherhäit. Usserdem schueled mir mit Theoriikürs und Faarunderricht öisi äigne Faarerine und Faarer mit Füererschii Kategorii B (Liferwäge) bruefsbegläitend uf Kategoriie C und C/E um. Ales – usser d’Prüefigsabnaam sälber – findet i öisne huusäigne Uusbildigszäntre statt. Diä sind au für Kwääriischtiiger mit Füereruuswiis vo de Kategorii B offe.

CZV-Wiiterbildig

D’Schofföörezuelassigsverornig – churz CZV – verpflichtet ali Inhaberine und Inhaber vomene Fääikäitsuuswiis zu de Wiiterbildig. Innerhalb vo föif Jaaar müend Si föif Tääg Wiiterbildig bimene ASA-anerkannte Wiiterbildigshuus absolviäre. Also zum Bischpiil i de Planzer-Uusbildigszäntre in Dällikon und Penthalaz.

Da chömed Si zu öisere Kursübersicht und chönd diräkt en Kurs bueche – uf Düütsch oder Französisch.

CZV Kursübersicht

Digitaali Wüssenserwiiterig (Ii-Lörning)

Grawatte binde, Hosechnopf aabüeze, Gitare schpile – es git nüüt, was mer nöd äifach im Internet cha lerne, zum Bischpiil uf JuuTjuub. Mit öisem Ii-Lörning-Tuul ermögliched mer daas öisne Mitarbäitende zu Theeme und Täätigkäite vo öisere Bransche. Über öisi Ii-Lörning-Plattform chönd diä ires Wüsse per Smartfoun, Täblet oder PC ziit- und ortsunabhängig erwiitere – freiwillig und im gwünschte Lerntämpo. S’Tuul isch äifach bedienbar und de individuell Lernerfolg laat sich sogar überprüefe. Mir erwiitered diä Aawändig laufend mit nöie Inhält und Kürs.

S’Wichtigschte vo öisere digitaale Wüssenserwiiterig im Überblick:

  • Fachwüsse 24/7 güne
  • Ziit- und ortsunabhängig (Internetzuegang voruusgsetzt)
  • Interaktiivi Churzschuelige sorged für Spass bim Lerne
  • Individuells Lerntämpo
  • Äigne Lernerfolg überprüefbar
  • Understützt de Lernprozäss im gsamte Undernäme
  • Uf Düütsch, Französisch und Italiänisch ufrüefbar

Jugendförderig

Nazionaale Zuekunftstaag

En Taag für d’Zuekunft isch zwar wenig, aber immerhiin. A dem Taag lömmer öis vo nöigiirige Mäitli und Buebe bim Schaffe über d’Schultere luege. Da gits Impressione vom Planzer-Zuekunftstaag 2019.

Ab is Bruefsläbe

Im Raame vo «Ab is Bruefsläbe» büütemer Schuele und Leerpersoonen aa, dass Undernämesverträter für en Bsuech i iri Schuel chömed, zum de Jugendliche en Iiblick in Bruefsalltag gää.

Schuelige «Toote Winkel»

De toot Winkel cha taatsächlich zum Tood füere. Drum sensibilisiäred mir Schüelerine und Schüeler vor Ort auf sichers Vercheersverhalte gägenüber Laschtwäge. Öisi Inschtruktoore gönd miteme LKW i d’Schuele. Oft isch au di örtlich Polizei aawesend. So schuelemer Jaar für Jaar rund 2900 Chind. Wiiteri Imformazioone läsed Si i öisem Fläier.

Kariäärepfaad

Egal, wo Si schtarted: Mir bringed Si uf de richtig Kariäärepfaad. Will Iri Ufschtiigsschanse innerhalb vo de Planzer-Gruppe hervoorraagend sind. Das zäigt öise Blogbiitraag «Im Hööefluug uf em Bode bliibe».

Im Hööefluug uf em Bode bliibe

De brueflich Werdegang vom Jorge Rodriguez tönt wiänen biografische Bestsseller. Sini Kariääre hät 2006 mitere Leer zum kaufmännische Aagschtellte mit E-Profiil in Diätike aagfange. Ab dänn händ sich Wiiterbildige und Beförderige schnäll abglööst. Dezue cho sind Bruefsmatuur, Läiter Adminischtrazioon, Betiibsläiter, Maaster of Bisnes Ädministreischen, Projäktläiter Logischtik und am Schluss de Sprung zum jüngschte Planzer-Filiaalkoutsch vo allne Ziite.

Gschicht läse

Studiärendi

Mir legged zwar gern taatchreftig Hand aa, aber immer mit Verschtand. Drum büütemer Studiärende Praktikumsschtele aa – wänns passt. Usserdem ergänd sich us öisem Bisness immer wider schpannendi Frageschtellige für Bäätscheler- und Maasterarbete. D’Logischtikwält kännt vili Fachgebiät, wo Si sich nachemene Studium chönd verwürkliche.

Ü50

Alter isch für öis kän Naachtäil, im Gägetäil. Aktuell händ rund 22% vo öisne Mitarbäitende d‘50er-Maargge knackt. Dass mir gern mit Mänsche im fortgschrittne Alter zämeschaffed, hät underschidlichi Gründ:

  • Mir profitiäred vo de langjäärige Erfaarig und vom Nou-hau, wo bruefserfaareni Mänsche mitbringed.
  • Wer im letschte Abschnitt vo sim Bruefsläbe isch, erwiist sich üblicherwiis als uusgschproche loiaal.
  • Ü50er händ iri Familiäplaanig i de Regel abgschlosse und sind drum oft flexiibler iisetzbar.
  • Schtelenerproobti Lüüt gänd öis als Arbetgeber e gwüssi Sicherhäit.
  • Ü50er übernämed bi öis gern e Götti-Funkzioon.

Frauesach

Wer mäint, d’Logischtikbransche seg e räini Manedomääne, liit falsch. Au bi öis sitzed Fraue am Schtüür, wörtlich gnauso wie im überträite Sinn. I de gsamte Planzer-Gruppe isch fascht jedi Föift e Frau. Das isch no lang nöd gnueg, drum setzemer ales i Bewegig, öisi Arbetsplätz au für Fraue attraktiiv z’gschtalte. Und: Di bescht Leerabschlussprüefig 2020 hät e Frau mit de Noote 5,6 abgläit.

Welkom Dei

Jedes Jaar träffed sich ali nöi iiträttne Mitarbäitende ame inschpiriärende Ort. Verträtter vo öisere Gschäftsläitig und de Familiä Planzer häissed si wilkome und presentiäred d’Organisazioon. Da möchtemer vor alem überebringe, werum mir öisi Familiä- und Firmewert hööchhalted.

Kontakt

Simon von Arx
Simon von Arx Leiter Uusbildigs
Telefon +41 44 847 21 20
Adrässe

Planzer Transport AG
Langwiesenstrasse 12
8108 Dällikon

Das chönt Si äno interessiäre

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop