D Voorschrifte vo de Import/Export- und Zollgsetz sind so komplex, dass Si für das groosses Fachwüsse, Ziit und Uufwand benöötiged. Das ales ghöört zu öisem Cherngschäft. En bsundere Schwerpunkt liit debii bim Gränzvercheer mit Düütschland, Itaaliä, Frankriich und de Schwiiz. I Irem Uuftraag erwürked mir d Ii- und Uusfuer, EU- oder Transitverzolige und schtönd Ine als zueglaane Empfänger/Versänder und mit Büro diräkt a de Gränze bii. Gern regled mer au Iri meerwertstüürrächtliche Aaglägehäite und di korrekt Waaretarifiärig. Für sämtlichi Import- und Exportwünsch schtönd Ine öisi Zollagentuure zur Verfüegig. Usserdem chömed Si vo öis en übersichtlichi und äifachi monetlichi Abrächnig mit Äinhäitspriise über.

Gränzeloos nützlichi Läischtige

Import/Export Schwiiz

Falls Si Waare us em Ussland möchted id Schwiiz importiäre oder vo daa uus exportiäre, büüted mir mit diverse Zolldienschtläischtige Hand:

  • S Erschtele und Archiviäre vo de elektroonische Veraalaagigsverfüegig (eVV) MWST und Zoll
  • MWST-Prüefige
  • Naachkontrole dur de Zoll (Preferänzberächtigunge, Archiviärig vo de Originaaldokumänt)
  • S Erschtele vo Schtatistike
  • Exportkontrole
  • Uusfuergneemigunge
  • Cites (Arteschutz)
  • Drüüeggsgschäft
  • Abfertigunge usserhalb vo de Öffnigsziite (Sunntig- und Fiirtigsabfertigung, Schpaatabfertigung, Faarplaanvercheer)
  • Provisoorischi und nachträäglichi Zollabfertigunge
  • Korektuure
  • Freipäss
  • Veredligsvercheer

Onläinverzolige

I de mäischte Länder chönd Si Iifuer- oder Uusfuerwaare onläin aamälde. Mir sind mit de Zollfachaawändige vo de Schwiizer und de gängigschte EU-Zollbehöörde vertrout, regischtriäred Si i dene irere Zollchundeverwaltig und mälded Iri Waare onläin für Sii aa. Für ali EU-Schtaate und Vertraagsparteiä, wo am Niuu Kompiuteräisd Tränsit Sistem (NCTS) betäiliget sind, schteled mir NCTS-Versandschii uus.

Transitverzolige

Mit dem Zollverfaare befördered Si Iri Waare unverzollt und unverstüüret dur d Schwiiz, EU- oder EFTA-Schtaate. Will sichs um e räini Durchfaart handlet, findt di äigentlich Import- oder Exportverzolig erscht im Beschtimigsland schtatt. Für di vorübergehend Ii-, Uus- oder Durchfuer vo Waare erlediged mir Iri Zollformalitääte mit eme Carne-ATA-Zolldokumänt oder mit ere Geläitschiiabfertigung.

EU-Verzolige

Mit derä Iifuerverzolig chönd Si Iri Waare i irgendeme Iitrittsland vo de EU (Transitland) verzole und stüürfrei i irgendeme andere EU-Land (Beschtimigsland) uuslifere. S Bsundere: S Transitland erhebt kä Iifuerumsatzstüür, will Iri Waar nöd deet bliibt.

Intrastat-Mäldige

Wänn Si Waare innerhalb vo de EU verbringed, müend Si en Interstat-Mäldig iiräiche. Diä isch für di schtatistisch Erfassig vom tatsächliche Waarevercheer zwüsched de EU-Mitgliidschtaate. Diä Uufgaab dörfed Si ruig öis überträäge.

Waaretarifiärig

D Zolltariifnummere isch en internazionaali Codiärig. Wänn mir Iri Waaretarifiärig uusfüered, faled kä Beaaschtandige vi de Zollabwicklig aa und Si händ mee Sicherhäit bi Zollprüefige. Usserdem verfüeged Si über koräkti zollrelevanti Schtammdaate als Baasis für di richtig Uurschprungsberächnig und Aawändig vo de Freihandelsabkome. Schliässlich underschtützed mer Sii bi Tarifiärigsgsuech und bi de Äidgenössische Zollverwaltig (EZV).

ZE und ZV

Zueglaane Empfänger (ZE) und Zueglaane Versänder (ZV): Als ZE oder ZV nämed mir d Iifuerzollaamäldig reschpektiive d Uusfuerzollaamäldig für Sii voor. So müend Si de Abgangszollschtell d Waare nöd zäige oder e Versandaamäldig voorlegge, sondern chönd a de Gränze zügig wiiterfaare. Öisi ZE- und ZV-Standört befindet sich in Bachenbülach, Balerna, Bioggio, Birsfelden, Carouge, Chavornay, Conthey, Dietikon, Genf, Härkingen, Kaiseraugst, Kölliken, Martigny, Meyrin, Montano Lucino, Penthalaz, Plan les Ouates, Pratteln, Root, Rothrist, Schaffhausen, Singen, St. Gallen, Stabio, Tolochenaz, Villmergen und Wikon.

Offes Zollaager (OZ)

Iri internazionaale Stückgüeter laagered mir uf Wunsch in öisne Offene Zollaager uf Schwiizer Zollgebiät. Iri Waare chömed im Transit vo de Gränze bis zum Laager, ooni dass si anere offizielle Zollschtell müend verzollt werde. So chönd Si d Transitwaar ooni s Entrichte vo de Iifuerabgaab laagere oder müends erscht nach em Ändi vo de Voorratshaltig entrichte. Natüürlich nuzzed Si ooni Iischränkige öisi Imfraschtruktuur und sämtlichi Laagerlogischtikdienschtläischtige.

Äigni Zolldeklarante

Öisi rund 100 huusäigne Zolldeklarante füered für Sii Iifuerverzolige mit E-Dec/Declare-IT uus, erlediged di provisoorisch abgfertigte Sändige und sämtlichi Zollformalitääte, beschaffed fäälendi Dokumänt, klääred Fraage vo de Zollabfertigung und schteled d Komunikazioon mit em Zollamt sicher.

Planzer-Zollbüro

A de Schwiizer Gränzübergäng Weil am Rhein, St. Louis, Ramsen, Balerna und Genf Bardonnex underhalted mir äigni Zollbüro. Deet chönd Iri Faarer au Schpontaanverzolige voornää.

Da gömer für Sii ad Gränze

Mee Vortäil, mee Wert

Uf Wunsch erchlääred mir Ine, weli Zolldokumänt dass nöötig sind, und täätiged für Sii sämtlichi Zollformalitääte.

Mir erliächtered Ine de Umgang mit de Zollbehöörde.

Das umfassende Wüsse chunnt Ine i Form vo Ziit und Gäld zguet.

Will mir a diverse Schtandort i de Schwiiz als ZE/ZV für Sii underwäx sind, bliibt Iri Waar niä a de Gränze schtecke.

Als Fiskaalverträter nämed mer Iri Mäldigs- und Erchläärigspflichte waar.

Dank öisere Underschtüzzig räiched Si koräkti Deklarazioone und Meerwertstüürabrächnige ii.

Wir können uns bei der Zollabfertigung all unserer Artikel schon seit Jahren immer auf Planzers Fachkenntnis und Kompetenz verlassen. So können wir Tag für Tag unser Ziel verwirklichen, möglichst vielen Menschen den Zugang zu den Freuden und Vorteilen des Sports zu erleichtern!

Team Décathlon Décathlon
Team

Iren Aaschprächpartner

Sandro Knecht
Sandro Knecht Leiter internazionali Transpört
Telefon +41 44 744 64 64
Adrässe

Planzer Transport AG
Lerzenstrasse 14
8953 Dietikon

Das chönt Si äno interessiäre

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop