Iri Laager liged usserhalb vo de Schwiiz und Si bruuched es passends Uuslifernetzwärk. Oder Si produziered uf Chundebschtellig, möchted aber kei eignigs Laager underhalte. Oder aber Si händ ganz äifach Platznoot. Für die und äändlichi Ufgabeschtellige äignet sich öise maasgschniidereti Kross-Docking-Umschlaag. So chönd Si d’Aaliferig vo Waare konsolidiere und sich druf verlaa, dass jedi Sändig de richtig Empfänger erreicht.

Leischtige i alli Richtige

Konsolidierti Aaliferig

Si lifered Iri Güeter vorkommissioniert a das für Si am beschte glägni Planzer-Laager aa. Als kompletti Kommissione oder als Teilliferige laageremer Iri Güeter i öisem Umschlaglaager bis zum definierte Uuslifertermin.

Elektronische Liferschii

Paralel zur füüsische Aaliferig übermittled Si öis de passend elektronisch Liveravi («despatch advice», kurz DESADV) mit allne relevante Logischtikdaate für d’Waareiigangsverarbäitig und Uusliferig vo Irne Güeter.

Vollschtändigi Uftragsdaate

Ihri Waare müend mitere Versandetigette verseeä und mit de Uftragsdaate, em Siiriäl Schipping Conteiner Kood SSCC oder enere Kartonnummere kodiert sii. Nur soo chömmer di füüsisch Aaliferig per Skän i Irem Liferavi verbueche.

Bereitschtellig und Verlaad

Si täiled öis de gwünschti Lifertermiin (am gliiche Taag oder am nächschte Taag) mit. Mir mached d’Transportäinhäite paraat und verladed si uf de LKW. Wänn Si wänd, druckeme Ire Liferschii mit Irem Leiaut und Logo uus und legeden de Liferig bii.

Sändigsverfolgig

Us de folgende Variante vo Sändigsverfolgige chönd Si uuswääle:

  • Entladebericht vo de aagliferete Waar (als Exsel-Dokumänt)
  • Elektronischi Waareiigangsmäldig RECADV, mit EDI
  • Statusmäldig mit EDI nach Beräitschtelig für de Waareuusgang
  • Zuegangsdaate für Stückguetsendige und Nachtexpress i öisem «Träck&Treis». D‘Uusliferigsbeschtätigung liit spöteschtens 3 Minute nach de Underschrift vo Irem Chund onläin für Si parat.

Mee Vortäil, mee Wert

Mit öisem Kross-Docking-Umschlaag reduziered Si Iri Laagerhaltigschöschte uf es Minimum.

Mir bilded Ire individuell Kross-Docking-Prozäss ab und halted dadebii d’Zaal vo de Prozässschritt chlii.

Öises Kross-Docking wird vollschtändig elektronisch underschtützt. Das reduziert d’Fäälerkwoote und erhööt d’Transparänz.

Sie chönd de Wäg und de Status vo Irne Sändige mit diverse Hilfsmittel jederziit naavollzie.

Seit über einem Jahrzehnt Zusammenarbeit schätzen wir die konstant hohe Servicequalität und die zwischenmenschliche Integrität zwischen den operativen Fachabteilungen beider Unternehmen.

Thomas Leitner CFO, Mitglied der Geschäftsleitung von Maestrani
Thomas

Ire Aaschprächpartner

Patrik Meier
Patrik Meier Mitgliid vode Gschäftsleitig
Leiter Laagerlogischtik
Telefon +41 44 744 64 64
Adrässe

Planzer Transport AG
Lerzenstrasse 14
8953 Dietikon

Das chönt Si äno interessiäre

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop