A all öisne Standört mit Laagerlogischtik-Dienschtläischtige kommissioniäremer für Gschäfts- und Privaatliferige beleeglos mit Pick-bäi-Skän. Je nach Voluume und Sändigswicht machemer d’Kommissioniärig äi- oder zwäistufig. Und je nach Aaforderige füereme Kwalitäätstschecks wääretem Kommissioniärigsvorgang dure. D’Inventuur wird rolend erschtellt, d’Seriienummere laufend erfasst.

Bi dem Laagerprinzip laageremer die Waar mit em früeschte Ablaufdaatum als Erschts uus. Mir wändeds bi verderbliche Laageräinhäite wie Läbesmittel oder Arznäimittel aa, wo s’Mindeschthaltbarkäitsdaatum als entschäidends Kriteerim für d’Laaagerig gilt.

Bi dem Verfaare werded Artikel, wo zerscht iiglaageret worde sind, au zerscht entnoo. Das chunt zum Biischpil im Durchlaufregallaager zur Aawändig.

Bim Pick-bäi-Skän kommissioniäremer beleeglos mit emene mobiile Daateerfassigsgrät (MDE). Das ersetzt di klassisch Kommissioniärlischte in Papiirform. D’Uftragsdaate werded entweder lokaal vorhalte oder über WLAN vom Laagerverwaltungssischteem zur Verfüegig gschtellt. So reduzieremer de Aatäil unproduktiivi Ziit bim Kommissioniärvorgang.

Bi de automatisierte Laagerlogischtik erfolgt d’Beräitschtellig vo de Waar dünamisch und automatisiert. Iri Artikel werded in Behälter oder uf Plette über modernschti Fördertecnik diräkt zum Kommissioniärer gfüert. Mir underhalted Kommissioniärplätz für d’Äinzel- und d’Laagerkommissioniärig. Aaprochni Palette laageremer natürli wider i öisem Hochregaallaager ii.

Das Verfaare isch nüd persoonebunde und i öisne Ersatztäillaager üeblich. Äi Aazäig im Regaal zäigt über Liechtsignaal a jedem Laagerplatz aa, weli Posizioone für de jewiiligi Uftrag z^picke sind. E Ziffereaazäig benännt d’Mängi vo de Täil; über e Kwittiertaschte beschtätigt de Picker d’Entnaam.

Bi dem Kommissioniärverfaare stellt de Kommissioniärer mit Hilf vonere Daatebrüle d’Artikel oder Güeter für Chunde- oder Produkzioonsuufträäg zäme. Die Smaartglaassis versorgeden uf sim Rundgang mit Informazioone zum jewiilige Uftrag. Die Brüle zäigt im zudem aa, i welem Regaal oder uf welere Palette sich en Artikel befindet. Die Technologii isch zurziit no in Entwicklig.