Planzer-Logischtiklöösige für Medtech: für hööchschti Aaaschprüch

Gräät us de Mediziin- und Laboortechnik wiä Therapii- und Rönggegräät oder es Da-Vinci-Operazioonssischteem sind empfindlich und tüür. Das macht d Logischtik aaschpruchsvoll. Di schpezielle Kondizioone vor Ort erschwääred s Händling vo MedTech-Gräät zuesäzzlich. I dem Beriich dörfed Si uf öisi langjäärig Erfaarig mit Medizinaaltechnik und uf hööchschti Aaschprüch punkto Akribii zele. Öisi MedTech-Logischtiker sind äxtra defür uusbildet und schaffed höchscht professionell.

Läischtige i de richtige Doosis

Waarenaanaam und Daatenerfassig

Sobald öisi MedTech-Faarzüüg bi öis aachömed, laded mer Iri hoochsensiible Aperäät nach de ganze Kunscht vo de Voorsicht ab und prüefed s uf allfeligi Beschädigunge. Dänn wird s Gräät i öisem ÄiTii-Sischteem erfasst und is Medical Servisszenter transferiärt.

Medical Servisszenter

Daa gaats fascht so hügieenisch zue und her wiä im Schpitaal sälber. Und uf jede Fall gnauso schtraff organisiärt. Im Medical Servisszenter beräited mer Iri MedTech-Gräät uf de Eerscht- oder de nächscht Iisazz voor. Mir desimfiziäred Sonde und Chnöpf, lösched sämtlichi Paziäntedaate vo de gräätinterne Schpeicherplatte und beschtücked d Zuebehöörvoorrichtige mit nöie Komponänte. Nacheer wird s Gräät vollschtändig gräinigt und ere detäilierte Schlusskontrole underzoge.

Ii- oder zwüschelaagere

Sötti Ires Gräät nöd grad wider zum Iisazz choo, laagered mer s Irnen Aaforderige entschprächend im richtige Laagertüüp ii. Si profitiäred vomene bräite Fächer a Laagerdienschtläischtige.

Paraadschtele

Sobald Ires Gräät für d Uusliferig avisiärt wird, nämed mer di gwünschte Meerwertdienscht wiä s Komissioniäre, s Uuszäichne oder d Seriiänummereverwaltig voor. Im Raame vo de Versandvoorberäitig hülled mers id Sicherhäit vonere transportgrächte Verpackig.

Transport und Voor-Ort-Serviss

Am gwünschte Daatum transportiäred mer Iri medizinaaltechnische Aperäät schwiizwiit inere transportgrächte Verpackig und i gsicherete Schpeziaalfaarzüüg zum Verwändigsort. Deet packed mer Iri Gräät uus, schteleds uuf und nämed sowool s Verpackigsmateriaal wiä au di alte Gräät zrugg. Uf Wunsch nämed mer Ine sogaar d Verzoligsformalitääte ab.

Informazioonsfluss

Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.