Als Eerschts schteled mer e gäigneti Projäktorganisazioon uf d Bäi. Für das läsed mer e fähigi Projäktläitig und en entschprächends Stiiringboord uus.

Jetzt analisiäred mer Iri beschtehende Logischtikprozäss und mached öis voor Ort es Bild devoo. Dänn entwickled mer s passende Gsamtkonzept für Sii. Mit dem zäiged mer Inen uuf, über weles Optimiärigspotenziaal dass Si verfüeged und wiä Sis chönd uusschöpfe. Für das schaffed mer di nöötige Kii Perfoormenss Indikeiters uus, legged realistischi Ziil und sinnvolli Kontrole fescht.

Sobald Si öise Aasatz guethäissed, fanged mer mit de Definizioon und de Programiärig vo de Schnittschtele i Iri ÄiTii-Sischteem und Aawändigen aa. Usserdem beräited mer s Laager entschprächend voor, eraarbäited Aarbetsaawiisige, schueled öisi Mitarbäitende mit chundeschpeziifische Erforderniss und füered diversi Beta-Teschts dure. Erscht wänn mer sicher sind, dass ales riibigsloos funkzioniärt, schteled mer uf de produktiiv Betriib um.

Hützutags schtüüred vill Herschteller iri Produkzioon nach de Kanban-Metoode. So orientiäred sichs am tatsächliche Verbruuch vo Materiaaliä am Beräitschtell- und Verbruuchsort. Das ermöglicht e Redukzioon vo de lokaale Beschtänd vo Voorprodukt i de und nööch bi de Produkzioon, wo deet i de nööchschte Integrazioonsschtuufe verbout werded. Au mir schaffed nach Kanban und verchetted gnau nach dem Prinziip Ire Produkzioonsprozäss mit öisere Laagerlogischtikfähigkäit.